АСТАНА, 24 қыркүйек - Sputnik. Астана қаласы төтенше жағдайлар департаментінің мәліметінше, 24 қыркүйек күні сағат 11:32-де өрт туралы хабарлама түскен.
Өрт сөндірушілер оқиға орнына жеткен кезде оңтүстік-батыс айналма жол жақта қураған ағаштың жанып жатқанын анықтады.
Куәгерлердің айтуынша, өрт аумағы үлкен, түтін жолды көруге кедергі келтірген.
Қазіргі уақытта өртті сөндіруге елордалық ТЖД жеке құрамынан 35 маман мен 7 техника, сондай-ақ 10 су шашуға арналған техникасы жұмылдырылған.