НҰР-СҰЛТАН, 15 қыркүйек – Sputnik. Ақтөбе облысында қайғылы жол апаты болды, деп хабарлайды Polisia.kz.
Жол апаты 14 қыркүйек күні Ырғыз ауданы Қалыбай кентінің жанындағы Самара – Шымкент автожолында болды. ВАЗ 2105 автокөлігінің жүргізушісі, Қырғызстан Республикасының азаматы, рульді басқара алмай, кюветке шығып, аударылып кеткен.
Жол апаты салдарынан ВАЗ 2105 автокөлігінің 31-жастағы жолаушысы, Қырғызстан Республикасының азаматы, алған жарақатынан сол жерде көз жұмды, ал жүргізуші түрлі жарақаттармен Ырғыз орталық аудандық ауруханасына жатқызылды.
Аталған факті бойынша сотқа дейінгі тергеу басталды.