НҰР-СҰЛТАН, 10 қыркүйек – Sputnik. Алматылық оқушылардың ата-аналары үйірмелер мен спорт секцияларына тегін қатысуға мүмкіндік беретін Artsport бағдарламасының жабылғанына наразылық білдіру үшін тағы да қала әкімдігіне келді.
Алматылықтардың наразылығына Artsport бағдарламасының тоқтатылуы себеп болды, деп хабарлады "Хабар 24" телеарнасы.
Алматы әкімі Ерболат Досаевтың айтуынша, балаларға арналған жобақаржылық қиындықтарға байланысты тоқтатылған.
Белгілі болғандай, қала спорттық және шығармашылық тапсырыстарды жабдықтаушыларға2 миллиард теңгеден астам қарыз болып қалған. Күні кеше Алматы әкімі мәслихатқа қарызды өтеу үшін ақша бөлу мәселесін қарауды ұсынғанымен, тиісті қаражат әлі табылмай отыр.
Жобаның уақытша жабылуының тағы бір себебі - қолданыстағы artsport.edu.kz платформасындағы ақау. Бұл жүйеде прокуратура екі мыңнан астам адамның деректері жалған екенін, соладамдар үшін үшін ақы алынғанын анықтады. Бұл тізімді жабдықтаушылардың өздері жасаған, қазір тергеу жүріп жатыр.
Болашақта мұндай олқылықты болдырмау үшін жергілікті билік платформа әзірлеушісін ондағы техникалық кемшіліктерді жоюға шақырады. Әкімдікке келген ата-аналарға балаларға арналған балама бағдарлама әзірленіп жатқаны айтылды.
"Қыркүйек айында шілде-тамыз айларындағы қарызымызды өтеуді жоспарлап отырмыз. Содан кейін бағдарламаны одан әрі жалғастыру үшін қаражат іздейміз. Әзірше прокурорлар заң бұзушылықтарды тексеріп, ата-аналарға телефон соғып, балаларының үйірмелер мен секцияларға қатысқанын анықтап жатыр. Көбісі мұндай бағдарлама туралы тергеушілерден бірінші рет естіп отыр", - деді Алматы қаласы мәдениет басқармасының басшысы Ғани Майлыбаев.