НҰР-СҰЛТАН, 11 тамыз – Sputnik. Қазақстан Ұлттық академиялық кітапханасында ұлы ақынның туған күніне орай "Абай тағылымы" мерекесі өтті.
Іс-шараның ашылуында Нұр-Сұлтандағы Орыс үйінің басшысы Ольга Филонова Абай Құнанбаевтың туған күні Қазақстанның мәдени және қоғамдық өміріндегі маңызды оқиғалардың бірі екенін атап өтті.
"Бірақ Ресей үшін де бұл дата әрқашан үлкен маңызға ие болды, өйткені ұлы ақын әрі ойшыл орыс және қазақ мәдениеттерін жақындастыруға, біздің халықтарымыз арасындағы өзара түсіністік пен достықты нығайтуға баға жетпес үлес қосты", - деп мәлімдеді елордадағы Орыс үйінің басшысы.
Ол кеше Мәскеудегі Чистопрудный бульварындағы Абай ескерткішінің жанында 10 қазақстандық орыс тілі маманы жиналғанын айтты. Олар Россотрудничество мен Орыс гуманитарлық миссиясы ұйымдастырған "Қазақстандағы орыс тілі – жаңа көкжиектер" халықаралық байқауының жеңімпазы атанған.