ПАВЛОДАР, 1 тамыз – Sputnik. Павлодарда цистернаны дәнекерлеу кезінде жұмысшы зардап шекті, деп хабарлады Павлодар облысы полиция департаментінің баспасөз қызметі.
Өткен сенбі күні сағат 13.45-те жауапкершілігі шектеулі серіктестіктердің бірінің аумағында цистернаны дәнекерлеу жұмыстары кезінде жанар-жағармай материалдарының қалдығы тұтанған.
Sputnik Қазақстан тілшісіне Павлодар облысы денсаулық сақтау басқармасы баспасөз қызметінің хабарлауынша, ауруханаға жеткізілген 1971 жылы туған ер адам жансақтау бөліміне жатқызылды. Оның денесінің 57% күйік шалған. Зардап шегушінің жағдайы тұрақты ауыр.
Бұл факті бойынша тергеу амалдары жүргізіліп жатыр.