Гонконгта жаңа музей ашылды: тыйым салынған қала жәдігерлері

Аумағы 13 мың шаршы метрді құрайтын ультра заманауи музей Виктория бұғазының жағасында теңізден тыс жердегі жағалауға салынған. Сондай-ақ кешен құрамында театрлар, опера залдары, көрме павильондары және басқа да музей мекемелері – барлығы 17 нысан салынады деп жоспарланып отыр.

Жаңа нысан Бейжіңдегі "Гугун" императорлық музейінің өзіндік филиалы іспеттес болды. Императорлық музей бұл нысанға әртүрлі экспозициялар – көне картиналар, мүсіндер, нефриттен жасалған бұйымдар, құнды каллиграфия туындылар ұсынады.

Жобаға 446 миллион долларға жуық инвестиция салынған.

Музейдің ашылуына орай дайындалған көрмеге Бейжіңдегі Сарай музейінің топтамасындағы 900-ден астам жәдігер қойылған. Кейбір туындылар Гонконгта алғаш рет көрсетіліп отыр. Көрме ашылған алғашқы төрт аптада шамамен 140 000 билеттің 80%-ке жуығы қазірдің өзінде сатылып кетті.

Жаңа музейдің кескін-келбетін суреттер топтамасынан көріңіз.

1 / 12

Бейжіңдегі "Гугун" императорлық кешенінің 900-ден астам жәдігері қойылған Hong Kong Palace Museum музейі ашылды.

2 / 12

Тыйым салынған қаланың қақ ортасында орналасқан Бейжің сарай-музейінде 5000 жылға жуық тарихты қамтитын Қытай өнерінің әлемдегі ең үлкен топтамасы жинақталған. Қазір бұл жәдігердің 900-ден астамы Гонконгтың жаңа сарай-музейіне қойылған.

3 / 12

Музейдегі тоғыз галереяның бірі Қытай керамикасының тарихына, әсіресе Мин және Цин әулеттерінің империялық фарфорына арналған.

4 / 12

Гонконгтағы жаңа сарай-музейдегі интерактивті инсталляция көрермендерді өздерін ежелгі каллиграф сезінуге мүмкіндік береді.

5 / 12

Гонконг сарай-музейі 2000 жылдардың басынан бері әзірлеу сатысында тұрған ауқымды өнер ауданының бастапқы жоспарына енген жоқ болатын.

6 / 12

166-сы "бірінші деңгейдегі ұлттық қазына" деп саналатын таңғажайып экспонаттар тақырыпқа сай көрмелерде қойылған. Олардың бірі Тыйым салынған қаладағы империя дәуіріндегі өмірдің аспектілерін қамтыса, екіншісі инновациялық дизайн мен өндіріс әдістеріне арналған.

7 / 12

Жылқылар шабыт берген өнер көрмесінде Тыйым салынған қаланың туындылары және уақытша Париждегі Луврдан алынған туындылармен қатар қойылған. Кейбір жәдігерлер бұрын-соңды көрермен назарына ұсынылмаған.

8 / 12

Музей басшылығы танымал нысандарды жақыннан көруге мүмкіндік берумен қатар, олар әр жәдігердің тарихын жергілікті аудиторияға кеңінен насихаттауды көздеп отырғанын айтты.

9 / 12

Гонконг тұрғындары шілде айында музейді тамашалауға арналған 100 000 билет сатып алды.

10 / 12

Жаңа нысан Бейжіңдегі "Гугун" императорлық музейінің өзіндік филиалы іспеттес болды. Императорлық музей бұл нысанға әртүрлі экспозициялар – көне картиналар, мүсіндер, нефриттен жасалған бұйымдар, құнды каллиграфия туындылар ұсынады. Жоспар бойынша, топтамалар мерзімді түрде ауыстырылып отырады. Ғимаратта барлығы тоғыз көрме залы бар.

11 / 12

Кіру билетінің құны шамамен 6,37 долларды құрайды. Көрмедегі арнайы билеттер екі есе қымбат – 15,29 доллар. Бірақ музейге көрермендер бір жыл бойы әр сәрсенбі сайын тегін кіре алады.

12 / 12

Ғимараттың құрылысы Гонконг жокей клубының 3,5 миллиард гонконг долларын (450 миллион доллар) қайырымдылық ретінде жолдауы есебінен қаржыландырылды.

Гонконгта жаңа музей ашылды: тыйым салынған қала жәдігерлері – фото