НҰР-СҰЛТАН, 14 маусым – Sputnik. Шілде айында президент Қасым-Жомарт Тоқаевтың төрағалығымен үкіметтің кеңейтілген отырысы өтеді, деп хабарлайды Sputnik Қазақстан тілшісі.
"Алдымыздағы шілде айында мемлекет басшысының төрағалығымен үкіметтің кеңейтілген отырысы өтеді. Онда еліміздің бірінші жартыжылдықтағы әлеуметтік-экономикалық дамуын қорытындылаймыз", - деді Смайылов үкімет отырысында.
Сондай-ақ, инфляция мен инвестиция мәселелері көтеріледі. Смайылов барлық әкім мен министрге осы отырысқа дайындалуды тапсырды.
Үш жаңа облысты қоса отырып, жиырма өңір бойынша алты айдың қорытындысы жасалады.