НҰР-СҰЛТАН, 13 маусым – Sputnik. Атырау ауруханаларының бірінде өт қабын алуға жасалған отадан кейін оянған науқастың арқасы күйіп қалған, деп хабарлады "Мой город" порталы.
Ота жалпы наркозбен жасалды. Әйел оянған соң арқасын күйік шалғанын байқаған.
"Ота іш маңайында жасалды, отадан кейін менің демалуым керек. Бірақ арқамды күйік шалуына байланысты бір қырмен жатуға мәжбүрмін. Солай жатқандықтан ішім ауырады, тынығу мүмкін емес", - деп шағымданды науқас.
Науқасқа арқасының қалай күйіп қалғанын ешкім түсіндіре алмады.
Айтуынша, бұл жағдай мейірбикенің немқұрайлылығынан болған. Металл тақтайшаны уақытында алмауынан немесе дұрыс қоймауынан болуы мүмкін.