НҰР-СҰЛТАН, 1 маусым – Sputnik. Түркия 1 маусымнан бастап шекера бекеттері арқылы кіретін адамдардан ПТР-тест талап етпейді.
"Коронавирус пандемиясына қатысты қазіргі жағдайды ескере отырып, 1 маусымнан бастап елге шекара бекеттері арқылы кіру үшін 72 сағат бұрын тапсырылатын ПТР-тестің немесе 48 сағат бұрын антигенге тапсырылатын экспресс-тестің нәтижесі талап етілмейді", - делінген ресми хабарламада.
Айта кетері, Қазақстанда бұл талаптың күші жойылмаған. Мәселен, маусым айынан бастап Қырғызстанның үш мемлекетаралық пойызы Ресейге Қазақстан арқылы өтеді. Ал бас санитар дәрігердің қаулысына сәйкес, Қазақстанға теміржол көлігімен кіру үшін бұрынғыдай COVID – 19-ға ПТР-тестілеуден өткені туралы анықтаманы көрсету керек. Ол құжат берілген күннен бастап Қазақстанның мемлекеттік шекарасын кесіп өткенге дейін 72 сағаттан аспауға тиіс.