НҰР-СҰЛТАН, 30 мамыр – Sputnik. Атырау облысында жолаушылар автобусы ГАЗельмен соқтығысты. Қоғамдық көліктегі жолаушылар жарақат алды, деп хабарлайды "Мой город" порталы.
Жол апаты 29 мамыр кешкі сағат жеті шамасында Тасқала-3 кентінде болған.
Атырау облысы полиция департаментінің ақпаратынша, қиылыста Daewoo жолаушылар автобусы оң жақта келе жатқан ГАЗельге жол бермей, артынша соқтығысқан.
Қатты соққыдан ГАЗель аударылып, электр бағанасына соғылған.
Қоғамдық көлік жолаушылары мен ГАЗель жүргізушісі түрлі жарақатпен ауруханаға түсті.