НҰР-СҰЛТАН, 19 наурыз – Sputnik. Садақ атудан Қазақстан құрамасы Азия кубогының жеңімпазы атанды, деп хабарлады Olympic.kz.
Тайландтың Пхукет қаласында садақ атудан Азия кубогы өтіп жатыр. Аталған жарыста ерлер арасында командалық сын бойынша қазақстандық спортшылар қарсылас шақ келтірген жоқ. Финалда олар Үндістан құрамасын айқын басымдықпен жеңді.
Айта кетері, құрлықтық додада командалық жарыста ел құрама сапынан Санжар Мұсаев, Ильфат Абділлин және Дәулеткелді Жаңбырбай қатысты.