АЛМАТЫ, 5 наурыз – Sputnik. Орал көшелерін 4 наурыз кешке жауған жаңбырдан кейін су басты, деп хабарлады жергілікті "Мой город" басылымы.
Порталдың хабарлауынша, мұндай жағдай жаңбыр жауған сайын үнемі қайталанады. Жауын-шашын салдарынан жолдарда үлкен шалшық пайда болған. Жаяу жүргіншілер жолды кесіп өте алмайды, ал жүргізушілер су астындағы шұңқырларды көрмей қалады.
Құрманғазы көшесінде жолды су басқан. Мұнда шұңқырлар жолға жөндеу жұмыстары жүргізілгенге дейін пайда болған, алайда одан кейін де еш нәрсе өзгермеген.
Су қаланың Чуриков, Карбышев, Есқалиев, Мөңкеұлы, 25-Чапаев дивизиясы көшелерінде де жиналған.
Орал әкімдігінің баспасөз қызметі қала бойынша еріген қар суы тартылып жатқанын хабарлады. Қалада 170-тен астам техника жұмыс істеп жатыр. Бесінші қаңтарға қараған түні коммуналдық қызметтер мың текше метрден астам қар шығарып, 410 текше метрден астам еріген суды сорып алған.