АЛМАТЫ, 6 ақпан – Sputnik. Павлодар қаласында автокөлік ағашқа соқтығысып, салдарынан көлік жүргізушісі мен бір жолаушы қайтыс болды, деп хабарлайды Sputnik Қазақстан.
Оқиғаның видеосы әлеуметтік желіде жарияланды.
Павлодар облысы полиция департаментінің хабарлауынша, оқиға 5 ақпан түнгі сағат он жарымда Аймауытов көшесінде болған.
"Toyota автокөлігінің жүргізушісі көлікті басқара алмай, ағашқа соқтығысқан. Жол-көлік оқиғасы салдарынан 25 жастағы жүргізуші мен 35 жастағы жолаушы оқиға орнында көз жұмды. Тағы бір жолаушы жарақат алып, ауруханаға жеткізілді", - деп хабарлады полиция.
Жол-көлік оқиғасына қатысты тексеріс жүргізіліп жатыр. Сараптама тағайындалды.