НҰР-СҰЛТАН, 6 ақпан – Sputnik. Щучинск қаласында модульдік үлгідегі гаражда өрт шықты.
6 ақпанда сағат таңғы сегізде Щучинск қаласында гараж өртенді. Ол жалпы ауданы 290 шаршы метр болатын 4 металл контейнерден тұрады.
"Өрт 8-47-де ауыздықталып, 9-22-де сөндірілді. Өрт салдарынан "Газель" маркалы 6 автомобиль жанып кетті. Қаза болғандар мен зардап шеккендер жоқ. Өрттің шығу себебі анықталып жатыр", - делінген хабарламада.
Өртті сөндіруге 20 қызметкер мен 4 техника шықты.