"Бейжің-2022" ұйымдастыру комитетінің мәліметі бойынша Джеки Чан эстафетаның екінші күні 1,47 шақырым қашықтыққа алауды алып барған 40 факел ұстаушының бірі болды.
Олимпиада алауын 1200-ге жуық адам алып жүретіні хабарланды. Олардың ең егдесі 86 жаста болса, ең жасы 14 жаста.
Ұлы қытай қорғанының Бадалин учаскесі келушілер арасында ерекше танымал. Бұл – қабырғаның жақсы сақталған бөліктерінің бірі. Бадалин учаскесіне жету оңай және оның қабырғаларымен жүру қиындық тудырмайды. Ол теңіз деңгейінен мың метрден астам биіктікте орналасқан. Мұнда әртүрлі мемлекеттің 370-тен астам басшысы мен лауазымды тұлғалары келген. Ежелгі уақытта Бадалин учаскесінің ерекше стратегиялық маңызы болды.
Джеки Чан – актер, каскадер, кинорежиссер, продюсер, сценарист, трюктер мен жекпе-жек сахнасын қоюшы. Ол – көпшіліктің сүйікті актері және әлемдегі ең танымал боевик қаһармандарының бірі.