Әлемдегі ең сұсты және қауіпті 10 тау шыңы - таңғажайып фото

Мұндай қауіпті іске бел буғандар табиғаттың дүлей күшімен бетпе-бет келіп, оған қарсы тұруға дағдылануы керек.

Бұл сапардың қалай аяқталатыны бәріне белгісіз. Таумен жекпе-жек жеңіс әкеле ме, әлде өмірді қыршынынан қиятын жеңіліс әкеле ме, беймәлім.

Бұл шыңдарды бағындырған адамдарды "сәттілік серігі болған жандар" деп атауға себеп бар. Өйткені, өкінішке қарай, шыңға қарай бет алған альпинистердің кейбірі кері қайтқан жоқ.

Қар көшкіні, қардың опырылуы, дауыл, боран, ауаның жетіспеуі, табан таятын тау бөктерлері – қауіпті сапарға қадам басқан адамдардың жолында міндетті түрде кездесетін кедергілердің бір бөлігі ғана. Бірақ табандылық танытып, тау шыңын бағындырғандар өмір бойы өздерін "жеңімпаз" деп нық сеніммен атай алады.

Sputnik Қазақстан әзірлеген суреттер топтамасынан әлемдегі ең мінсіз әрі сұлу, алайда сұсты әрі қауіпті тау шыңдарын көре аласыздар. Олардың қатарында Чогори, Аннапурна, Нанга-Парбат, Фитц-Рой, Кангшунг, Маттерхорн бар.

1 / 10

Альпинист Беда Фустер жер шарындағы биіктігі бойынша екінші орындағы шың басында отыр. К2 немесе Чогори – қиыр солтүстіктегі тау шыңы.

CC BY-SA 3.0 / Adha65 / K2 - climbing partner Beda Fuster on top of K2

2 / 10

Гималайдағы Аннапурнаның таңғажайып оңтүстік беткейі. Аннапурна теңіз деңгейінен биіктігі 8 мыңнан асатын аса қауіпті шың болып саналады. Альпинистер арасындағы өлім көрсеткіші 32%-ке жетіп отыр.

CC BY-SA 4.0 / Neyox / Amazing Annapurna South seen from High Camp (cropped photo)

3 / 10

Нанга-Парбат – биіктігі бойынша тоғызыншы орында тұрған "сегіз мыңдық" шың. Ол Гималайдың солтүстік-батысында орналасқан. Статистика бойынша қайғылы жағдайлардың үштен бірі осы тау шыңында болады.

CC BY-SA 4.0 / Romanterik / Expedice Nanga Parbat 2018 (cropped photo)

4 / 10

Фитц-Рой тауының бөктеріндегі Эль Чальтен қалашығы. Патагониядағы бұл шың Аргентина мен Чили арасындағы шекара аумағында орналасқан. Биіктігі 3 405 метрді құрайды.

CC BY 2.0 / David / El Chaltén and Fitz Roy

5 / 10

Кангшунг – Джомолунгма тауының шығыс бөктерінде жатқан мұздық. Ол тау шыңындағы негізгі үш мұздықтың бірі болып саналады. Оңтүстік-шығыс жотасынан жоғары қарағанда "Хиллари баспалдағын" көруге болады.

CC BY-SA 4.0 / Debasish biswas kolkata / Hillary Step (cropped photo)

6 / 10

Үндістан мен Тибет шекарасындағы Гималайдың Чортен Ньима үстірті.

CC BY-SA 4.0 / Jeetpswiki / A view from Chorten Nyima Ri (cropped photo)

7 / 10

Монблан тауындағы Эгюий-дю-Миди көрінісі. Осы тау сілеміндегі "Ақ тау" шыңы Альпідегі Леман көлінен жоғары тұр. Бұл Альпідегі ең биік шың, оның биіктігі - теңіз деңгейінен 4810 метр. Ол Италия мен Франция шекарасында орналасқан.

CC BY-SA 4.0 / Zairon / Voew from the Aiguille du Midi to the Mont-Blanc, Chamonix-Mont-Blanc, Department of Upper Savoy, Region of Auvergne-Rhône-Alpes (former Auvergne), France (cropped photo)

8 / 10

Маттерхорн шыңы. Бұл Швейцарияның Вале кантоны мен Италияның Валле-д’Аоста провинциясында орналасқан Пеннин Альпідегі ең сұлу шың. Шыңның биіктігі – теңіз деңгейінен 4478 метр жоғары. Жолдарының қауіптілігі мен шыңның сұсты бейнесіне байланысты Маттерхорн Альпідегі адам бағындырған соңғы шың болды.

CC BY-SA 2.0 / Oargi / The summit of the Matterhorn

9 / 10

First Cliff Walk – Швейцариядағы Альпі тауын тамашалауға болатын алаң.

CC BY-SA 4.0 / Blanky75 / First Cliff Walk

10 / 10

Аляска жотасында орналасқан Мак-Кинли тауы. Бұл аудан Денали ұлттық паркінің аумағына кіреді. Мак-Кинли – Солтүстік Америкадағы ең биік тау. Оның шыңы 6194 метр биіктікте орналасқан. Ал оның салыстырмалы биіктігі (тау етегінен жоғары орналасуы) 6118 метрді құрауы Мак-Кинли тауын осы өлшем бойынша Эверест Аконкагуадан кейінгі үшінші орынға шығарды.