Алматыда бүлінген ғимараттарды жөндеу жұмыстары қызу жүріп жатыр – фото

Алматы әкімдігінде құрылыс жұмыстары қызып жатыр. Алайда қанша адамның қалай жұмыс істеп жатқаны көрінбейді

Республика алаңына жақын маңда орналасқан ғимараттың бірі – "Республика" бизнес орталығы. Бұл жерде бірнеше телеарна кеңсесі жұмыс істеді. Ғимарат сыртында құрылыс жұмыстары байқалмайды. Кей жерде сынған терезелер әлі ауыстырылмаған.

Қаланың тазалығына жауап беретін қызметкерлер Назарбаев даңғылы мен Сәтбаев көшесінің қиылысында жұмыс істеп жүр

Қала тұрғындары тәртіпсіздіктер өткен жерді айналып өтіп жүрген жоқ, емін-еркін серуендеп жүр

Назарбаев даңғылы бойында орналасқан дүкеннің әйнегін ауыстырып жатыр.

Бұған дейін қала әкімінің орынбасары Мұхит Әзірбаев қалада қалпына келтіруді қажет ететін 243 нысан анықталғанын мәлімдеді. Оның ішінде 27 мемлекеттік нысан мен 216 шағын және орта бизнес нысаны бар. Фотода: дүкенде жүргізіліп жатқан жөндеу жұмыстары.

Алматыдағы Республика алаңы.

Алматы қаласы әкімдігінің маңы

Қала әкімдігінде қалпына келтіру жұмыстары қалай жүріп жатқанын тек алыстан көруге болады, құрылыс алаңы қоршалған

Алматы қаласы әкімдігінің ғимараты.

Qazaqstan ұлттық арнасының Алматы филиалында да қалпына келтіру жұмыстары жүріп жатыр.

Ұлттық арнаның Алматы филиалы ғимаратының өрттен кейінгі күйі

Өртенген ғимарттан қоқыс шығарылып жатыр.

Тәртіпсіздіктер кезінде ғимаратқа үлкен залал келіп, 16 мыңға жуық бейнетаспа жинақталған "Алтын қордың" жерасты қоймалары мен цифрланған видеоматериалдар сақталған серверлер бөлмесі өртенді. Ол жерде қазірге дейін цифрланған бейнематериалдардың бір бөлігі сақталған.

Сондай-ақ ғимаратта шыққан өртті сөндіру кезінде қоймаларды су басқан

Қазір жұмысшылар ғимарат ішінде жұмыс істеп жатыр.

Алматыда тәртіпсіздік кезінде 250-ге жуық нысан бүлінген. Сондай-ақ 37 пәтерге залал келген. Алматыдағы тәртіпсіздіктерден кейінгі шығын 112 миллиард теңгеден асады деп есептеліп отыр.

Жұмысшылардың бір бөлігі қабырғаны қырып жатыр, енді бірі қоқысты сол сәтте шығарумен айналысады. Қалпына келтіру жұмыстары ғимараттың барлық қабатында жүріп жатыр. Ал телеарна қызметкерлері ойрандау кезінде бүлінбеген заттарды басқа ғимаратқа көшіреді.

14 қаңтарда қала әкімі Бақытжан Сағынтаев бандалық топтардың қолынан зардап шеккен "Қазақстан", "Хабар", "Мир", "Первый канал Евразия" телеарналары орналасқан ғимараттарды аралап көрді. "Алматы" телеарнасы ұжымымен кездесуде қызметтік міндеттерін орындау кезінде қаза тапқан жүргізуші Мұратхан Базарбаевтың қайтыс болуына байланысты көңіл айтып, оның отбасына 3 бөлмелі пәтер берілетінін мәлімдеді. Фотода: Ұлттық арна ғимаратында жұріп жатқан жөндеу жұмыстары.

Республика алаңында жолды жөндеп жатыр.

Бүлікшілер ойран салған жердің бірі – қала арбаты. Мұнда қазір дәмханалар қалыпты режимде жұмыс істеп жатыр.

"Пассаж" сауда орталығындағы бос қалған сөрелер.

Кәсіпкерлер сауда орталығындағы жұмысына қайта кірісіп жатыр.

Сауда орталықтарына келген-кеткен адам қатары сиреген.

Ауа райының қолайлы болуына байланысты қала тұрғындары серуендеп жүр.