НҰР-СҰЛТАН, 2 қаңтар – Sputnik. АҚШ-тың Колорадо штатында орман өрті шарпыды.
"Өкінішке қарай, үш адамның із-түзсіз жоғалып кеткені расталып отыр", - деп мәлімдеді Боулдер округінің шерифі Джо Пелле баспасөз конференциясында.
Оның айтуынша, жоғалғандарды іздеуге қирандылар мен қар кедергі келтірген.
"Бұл адамдар болуы мүмкін ғимараттар қазір толығымен қирап, шамамен сегіз дюйм (20 сантиметр – Sputnik) қар астында қалды", - деді шериф.
Өрт адамдарды үйін тастап кетуге мәжбүр етті. Видеоға қарағанда, көшелерде түтіндеп жатқан күл үйіндісінен басқа ештеңе жоқ.
Құрғақ ландшафта шыққан өрт округте өте жылдам таралғаны аталып өтті – желдің жылдамдығы 160 км/с-қа жетті.
Өрт салдарынан Сьюпериор және Луисвилл қалаларында кемінде 33 мың адам эвакуацияланды. Адамдар киім-кешегін ғана алып үлгерген.