НҰР-СҰЛТАН, 30 желтоқсан – Sputnik. 29 желтоқсанда Алматыда аралас жекпе-жектен Naiza Fighting Championship 36 турнирі өтті. Кештің басты жекпе-жегі қазақстандық файтерлер Ильдар Құдайбергенов пен Серікбай Қожабаев арасында өтті.
Ильдар Құдайбергенов жеңіске жетті, видео аралас жекпе-жек өнеріне арналған Instagram-пабликте жарияланды.
Бұл жекпе-жекте Құдайбергеновке тиесілі жеңіл салмақтағы NFC титулы бәске тігілді. Жекпе-жек бес раундқа созылып, Құдайбергеновтің жеңісімен аяқталды. Төрешілер бірауыздан шешім шығарды.
Осылайша, бұл Құдайбергеновтің карьерасындағы бесінші жеңісі болса, оның қарсыласы Серікбай Қожабаев ММА-де алтыншы рет жеңіліске ұшырады.