НҰР-СҰЛТАН, 28 желтоқсан — Sputnik. Қазақстанның тұңғыш президенті Нұрсұлтан Назарбаев пен Ресей президенті Владимир Путиннің кездесуі сейсенбіде Санкт-Петербургте басталды, деп хабарлады Елбасының баспасөз хатшысы Айдос Үкібай.
Назарбаев 27 желтоқсанда кешке ТМД-ға мүше мемлекет басшыларының бейресми саммитіне қатысу үшін Санкт-Петербургке келді.
"Нұрсұлтан Назарбаев пен Владимир Путиннің тет-а-тет форматындағы кездесуі басталды", - деп жазды Үкібай Twitter-де.
Ол келіссөз туралы толық ақпарат кейінірек Елбасының сайтында жарияланатынын айтты.
Санкт-Петербургке Қазақстан президенті Қасым-Жомарт Тоқаев та барған болатын.
Кездесу барысында ТМД елдерінің көшбасшылары Достастық шеңберіндегі бірлескен жұмыс қорытындыларын, көпжақты өзара іс-қимылды дамыту және Ұйым қызметінің тиімділігін арттыру перспективаларын талқылайды деп жоспарланған. Сондай-ақ, халықаралық және өңірлік күн тәртібіндегі өзекті мәселелер де сөз болады.
ТМД-ға мүше мемлекет басшыларының бейресми саммиті бүгін, 28 желтоқсанда Санкт-Петербургте өтеді. Кремль сайтында бейресми кездесудің бастамашысы Ресей президенті Владимир Путин болғаны жазылған.