2021 жылдың басты саяси оқиғалары - фото

6 қаңтарда бұрынғы президент Дональд Трамптың жақтастары митингке шыққан кездегі Капитолий ғимаратының жанындағы жарылыс. Бұрынғы мемлекет басшысы президент сайлауында жеңілгеннен кейін оның жақтастары наразылық акциясын өткізіп, оның соңы жаппай тәртіпсіздікке, полициямен қақтығысқа және Капитолий ғимаратын басып алуға ұласты.

Ант қабылдау шарасына қатысар алдында жаңа сайланған АҚШ президенті Джозеф Байден жұбайы Джилл Байденмен бірге.

Кәнден ит құшақтаған әйел герцог Филипп Эдинбургский портретінің жанында отыр. Ұлыбритания патшайымы II Елизаветаның жары герцог Эдинбургский 99 жасқа қараған шақта 9 сәуірде Виндзорде көз жұмды.

Чехия премьер-министрі Андрей Бабиш 17 сәуірде өткен баспасөз мәслихатында 2014 жылы Врбетицадағы оқ-дәрілердің жарылуына қатысы бар деген сылтаумен 18 ресейлік дипломаттың елден шығарылатынын хабарлады.

23 мамырда Минск халықаралық әуежайында Ryanair әуе компаниясының FR4978 рейс багаждарын кинолог итпен тексеріп жүр. Литваға ұшып бара жатқан ұшақ бомба туралы хабарға байланысты шұғыл қонғаннан кейін оның бортында оппозициялық журналист Роман Протасевич ұсталды.

Корнуоллдағы (Англия) саммитке қатысуға келген G7 көшбасшылары, 11 маусым. Саммитте мемлекет басшылары пандемия, климат, сыртқы саясат және экономика мәселелерін талқылады.

РФ президенті Владимир Путин мен АҚШ президенті Джо Байден 2021 жылдың 16 маусымында Женевадағы "Ла Гранж" вилласында кездесу өткізді.

Әйел адам 18 маусымда президент сайлауында жеңіске жеткен Иранның жаңа көшбасшысы Ибрахим Раисидің портретін ұстап тұр.

7 шілдеде қастандықпен өлтірілген Гаити президенті Жовенель Моиз бейнеленген мурал. Полиция кісі өлтіруді ұйымдастырды деген күдікпен президенттің қауіпсіздік қызметінің жетекшісі мен бірнеше қызметкерді қамауға алды.

Янгондағы әскери төңкеріске қарсылық білдіру акциясы, Мьянма, 14 шілде.

Ауған елінде билік ауысқаннан кейін ұлын арқалаған ер адам Ауғанстан-Пәкістан шекарасындағы "Чаман" бақылау-өткізу пунктінде тұр. Тамыздың ортасында АҚШ әскері Ауғанстаннан шығарылғаннан кейін "Талибан" (террористік қызметі үшін БҰҰ санкциясы енгізілген) ислам қозғалысы елдегі билікті тартып алды.

5 қыркүйекте Гвинеяда әскери төңкеріс және ел президенті Альфа Кондені қамауға алғаннан кейін адамдар көшеде әскерилерге қошемет көрсетіп жатыр.

Жапонияның басқарушы либералды-демократиялық партиясының көшбасшысы Фумио Кисида 4 қазанда елдің жаңа премьер-министрі болып сайланды.

26 қазанда Германия президенті Франк-Вальтер Штайнмайер елдің бұрынғы канцлері Ангела Меркельмен қоштасып тұр.

Ұлыбритания премьер-министрі Борис Джонсон 30 қазанда Римде өткен Үлкен жиырмалық (G20) саммитінде суретке түсу рәсіміне кешігіп келді. Бұл әлемде коронавирус пандемиясы жайлағаннан кейін мемлекет басшыларының алғаш рет бетпе-бет кездесуі болды.

Беларусь-Польша шекарасындағы заңсыз мигранттарға арналған лагерь. Сегізінші қарашада Беларусьтегі Таяу Шығыс пен Солтүстік Африканың мыңнан астам босқыны жаппай Польша шекарасына қарай жылжыды. Польша билігі мұны "күш қолдану арқылы жаппай шекарадан өту әрекеті" деп бағалап, шекара қауіпсіздігін күшейтті.

Канаданың Сыртқы істер министрі Мелани Джой Латвиядағы "Адажи" әскери базасында канадалық әскери қызметкерлермен кездесті, 29 қараша.

Экологтар Глазгода өткен климат жөніндегі конференция кезінде терең теңізде балық аулауға қарсы наразылық акциясын ұйымдастырды, Шотландия, 4 қараша.