Sputnik санаулы күндерден кейін тарих қойнауына енетін 2021 жылдың басты саяси оқиғаларына арналған суреттер топтамасын әзірледі. Биыл әлемде қандай маңызды... 23.12.2021, Sputnik Қазақстан
2021 жыл ғаламшар үшін аласапыран сипатта өтті: жалғасын тапқан пандемия, вирустың жаңа штамдарының пайда болуы, Ауғанстанда биліктің ауысуы, Гаити президентінің өлтірілуі, Еуропадағы миграция дағдарысы.Көпшіліктің назарын аударған және әлемді дүр сілкіндірген оқиғалар көп болды. 2021 жылы әлем саясатындағы өте танымал тұлғаның бірі Ангела Меркель Германия канцлері қызметінен кетті, Иранда жаңа президент сайланды, Ұлыбритания патшайымы II Елизавета 99 жастағы жары – герцог Эдинбургтен айырылып, жесір қалды, Глазгода климат жөнінде БҰҰ конференциясы өтті...Осы және басқа да маңызды оқиғалар туралы Sputnik дайындаған материалдан оқи аласыз.
Sputnik санаулы күндерден кейін тарих қойнауына енетін 2021 жылдың басты саяси оқиғаларына арналған суреттер топтамасын әзірледі. Биыл әлемде қандай маңызды сәттер болғанын еске түсірейік
2021 жыл ғаламшар үшін аласапыран сипатта өтті: жалғасын тапқан пандемия, вирустың жаңа штамдарының пайда болуы, Ауғанстанда биліктің ауысуы, Гаити президентінің өлтірілуі, Еуропадағы миграция дағдарысы.
Көпшіліктің назарын аударған және әлемді дүр сілкіндірген оқиғалар көп болды.
2021 жылы әлем саясатындағы өте танымал тұлғаның бірі Ангела Меркель Германия канцлері қызметінен кетті, Иранда жаңа президент сайланды, Ұлыбритания патшайымы II Елизавета 99 жастағы жары – герцог Эдинбургтен айырылып, жесір қалды, Глазгода климат жөнінде БҰҰ конференциясы өтті...
Осы және басқа да маңызды оқиғалар туралы Sputnik дайындаған материалдан оқи аласыз.
6 қаңтарда бұрынғы президент Дональд Трамптың жақтастары митингке шыққан кездегі Капитолий ғимаратының жанындағы жарылыс. Бұрынғы мемлекет басшысы президент сайлауында жеңілгеннен кейін оның жақтастары наразылық акциясын өткізіп, оның соңы жаппай тәртіпсіздікке, полициямен қақтығысқа және Капитолий ғимаратын басып алуға ұласты.
Кәнден ит құшақтаған әйел герцог Филипп Эдинбургский портретінің жанында отыр. Ұлыбритания патшайымы II Елизаветаның жары герцог Эдинбургский 99 жасқа қараған шақта 9 сәуірде Виндзорде көз жұмды.
Чехия премьер-министрі Андрей Бабиш 17 сәуірде өткен баспасөз мәслихатында 2014 жылы Врбетицадағы оқ-дәрілердің жарылуына қатысы бар деген сылтаумен 18 ресейлік дипломаттың елден шығарылатынын хабарлады.
23 мамырда Минск халықаралық әуежайында Ryanair әуе компаниясының FR4978 рейс багаждарын кинолог итпен тексеріп жүр. Литваға ұшып бара жатқан ұшақ бомба туралы хабарға байланысты шұғыл қонғаннан кейін оның бортында оппозициялық журналист Роман Протасевич ұсталды.
Корнуоллдағы (Англия) саммитке қатысуға келген G7 көшбасшылары, 11 маусым. Саммитте мемлекет басшылары пандемия, климат, сыртқы саясат және экономика мәселелерін талқылады.
7 шілдеде қастандықпен өлтірілген Гаити президенті Жовенель Моиз бейнеленген мурал. Полиция кісі өлтіруді ұйымдастырды деген күдікпен президенттің қауіпсіздік қызметінің жетекшісі мен бірнеше қызметкерді қамауға алды.
Ауған елінде билік ауысқаннан кейін ұлын арқалаған ер адам Ауғанстан-Пәкістан шекарасындағы "Чаман" бақылау-өткізу пунктінде тұр. Тамыздың ортасында АҚШ әскері Ауғанстаннан шығарылғаннан кейін "Талибан" (террористік қызметі үшін БҰҰ санкциясы енгізілген) ислам қозғалысы елдегі билікті тартып алды.
Ұлыбритания премьер-министрі Борис Джонсон 30 қазанда Римде өткен Үлкен жиырмалық (G20) саммитінде суретке түсу рәсіміне кешігіп келді. Бұл әлемде коронавирус пандемиясы жайлағаннан кейін мемлекет басшыларының алғаш рет бетпе-бет кездесуі болды.
Беларусь-Польша шекарасындағы заңсыз мигранттарға арналған лагерь. Сегізінші қарашада Беларусьтегі Таяу Шығыс пен Солтүстік Африканың мыңнан астам босқыны жаппай Польша шекарасына қарай жылжыды. Польша билігі мұны "күш қолдану арқылы жаппай шекарадан өту әрекеті" деп бағалап, шекара қауіпсіздігін күшейтті.
