НҰР-СҰЛТАН, 19 желтоқсан – Sputnik. Ақтауда екі ер адам тапа-тал түсте үш қорап, бір қап азық-түлікті ұрлап кеткен. Олардың әрекеті видеоға түсіп қалды, деп хабарлайды Sputnik Қазақстан "Лада" порталына сілтеме жасап.
Айта кетері, Қылмыстық кодекстің 187-бабында ұсақ-түйек ұрлыққа да жаза қарастырылған. Оған сәйкес, 802 АЕК-ке (283 360 теңге) дейiнгi мөлшерде айыппұл салу не сол мөлшерде түзеу жұмыстарына немесе 80 сағатқа дейінгі мерзімге қоғамдық жұмыстарға тарту, я болмаса, 20 тәулікке дейінгі мерзімге қамауға алу жазасы қолданылады.