Турист көзімен: Грузияның көрікті жерлері мен ерекше ғимараттарының суреттері

Себебі Грузияға қауіпсіз, бағасы тиімді әрі халқы қонақжай саналады. Қара теңіз, Қазбегі, Кавказ таулары туристердің сүйікті жерлеріне айналды.

"Грузия анасы" монументі, Қуыршақ театры, орта ғасырда салынған шіркеу, Қара теңіз бен Жинвал су қоймасы. Бұл елде туристі таңғалдыратын жерлер жетерлік.

Бұған қоса, Грузия – түрлі жемістер мен көкөністердің отаны. Әсіресе, күз айларында жүзім, құрма, мандариндер піседі. Бұл елге саяхат жасайтын уақытты жаз бен күзге жоспарлаған жөн.

Грузияның көрікті жерлерін суреттер топтамасынан көре аласыз.

1 / 14

Бұл қаланың символы саналатын "Грузия анасы" монументі. Әйелдің оң қолында ұстап тұрған қылышы жаулары үшін болса, екінші қолындағы шарап қонаққа құрмет көрсетудің үлгісін білдіреді

2 / 14

Тбилиси қаласындағы ерекше ғимараттың бірі – Қуыршақ театры. Ол өзінің сәулет құрылысымен ғана емес, репертуарымен де ерекшеленеді. Әр күні сағат 12:00, 19:00-де қойылым болады. Ал әр сағат сайын қанатты періште терезені ашып, қоңырау соғады

3 / 14

Тбилиси қаласы ерекше шатырлы үйлерімен де танымал. Қаланы биіктен тамашалап, еуропалық үлгіде салынған үйлердің фонында суретке түсуге болады

4 / 14

Тбилиси қаласының ескі ауданындағы көшелерде жаяу серуендеп, базар аралауға болады. Қаланың әр бұрышы грузин халқының ұлттық нақышына сай безендірілген

5 / 14

Грузия – түрлі жеміс пен көкөністер отаны. Әсіресе, күз айларында жүзім, құрма, мандарин піседі. Бұл елге саяхат жасайтын уақытты жаз бен күзге жоспарлаған жөн

6 / 14

Күз айлары – құрмалардың пісетін маусымы. Әр үйдің ауласында құрма жемістері жайқалып өсіп тұрады

7 / 14

Чурчхела – Грузияның ұлттық тәттілері. Сырты қайнатылған жүзімнен, ал ішіне жаңғақ, фундук қосып дайындалады

8 / 14

Грузия тұрғындары үй балконына жуылған киімдерді жайып қояды. Қаланы аралай жүріп мұндай көріністі жиі кездестіресіз

9 / 14

Тбилиси қаласының түнгі көрінісі. Орта ғасырда салынған шіркеу

10 / 14

Тбилиси қаласының ескі ауданы түрлі моншаларымен де танымал. Бұл моншаға Пушкин жиі барған. Қазір "Пушкин моншалары" деп атады

11 / 14

Қара теңіз – әлемдегі ең әдемі теңіздердің бірі. Батуми қаласынан Қара теңіздің жағалауын тамашалауға болады. Одан бөлек бұл теңіздің жағалауында Ресей, Украина, Румыния, Беларусь және Туркия орналасқан

12 / 14

Тбилиси қаласына жақын орналасқан Жинвал су қоймасы. Бұл қолдан жасалған, суы мөлдір әрі таза ерекше мекен. Жазда туристер суға түсіп, әсем табиғатты тамашалау үшін келеді

13 / 14

Қазбегі таулары – Грузия мен Ресей шекарасында орналасқан. Аспанмен таласқан алып таулар Грузияның ең көрікті орны саналады

14 / 14

Грузиядағы әйгілі махаббаттың үлгісі "Әли мен Нино" ескерткіші. Батуми қаласында, Қара теңіздің жағалауында орналасқан қыз бен жігіттің ескерткіші әр кеш сайын сағат 19:00-де бір-бірімен түйіседі. ұл көрініс тек 10 минутқа созылып, екеуі қайтадан ажырап кетеді