НҰР-СҰЛТАН, 15 қараша – Sputnik. Алматы облысында екі жеңіл көлік бетпе-бет соқтығысты, деп хабарлайды Sputnik Қазақстан.
Жол апаты Алматы-Бішкек тасжолының 128 шақырымында болған. Әлеуметтік желіде оқиға орнында түсірілген фотолар тарады.
Облыстық полиция департаменті ұсынған мәліметке сәйкес, жол апатынан 53 жастағы әйел көз жұмды. Екі жүргізуші мен бір жолаушы ауруханаға жатқызылды.
"Honda Odyssey мен Mitsubishi Galant бетпе-бет соқтығысты. Алдын ала ақпарат бойынша Honda-ның 37 жастағы жүргізушісі жолдың қарсы бетіне шығып, Mitsubishi-мен соқтығысқан", - дейді полицейлер.
Қылмыстық кодекстің 345-бабы, 3-тармағы (Көлiк құралдарын басқаратын адамдардың абайсызда адам өлiмiне әкеп соққан жол жүру немесе көлiк құралдарын пайдалану ережелерiн бұзуы) бойынша сотқа дейінгі тергеу басталды.
Бұл бап белгілi бiр лауазымдарды атқару немесе белгiлi бiр қызметпен айналысу құқығынан бес жылға дейiнгi мерзiмге айыра отырып, бес жылға дейінгі мерзімге бас бостандығынан айыру жазасын қарастырады.
Оқи отырыңыз: