НҰР-СҰЛТАН, 13 қазан — Sputnik. Алматының орталық көшелерінің бірінде жаяу жүргіншіні көлік қағып кетті.
Peugeut 308 көлігі Әл-Фараби даңғылы бойымен батыс бағытта кетіп бара жатқан. Мендіқұлов көшесінің қиылысындағы жерасты өткелінің жанынан жолға жаяу жүргінші жүгіріп шыққан. Куәгерлердің айтуынша, ол жолды рұқсат етілмеген жерден кесіп өтпекші болды.
Жылдамдықпен келе жатқан көлік жүргізушісі тежегішті басып үлгермеген. Жол апаты салдарынан 1995 жылы туған ер адам алған жарақаттан жедел жәрдем көлігі келгенше көз жұмды.
Полиция қызметкерлері жол апатының мән-жайын анықтап жатыр.
Оқи отырыңыз:
- Алматыда троллейбус жүргізушісі екі баланы қағып кетті
- Көлік қақ бөлінген: Алматы түбіндегі жол апаты адам өмірін қиды – видео
- Алматыда бетон тасымалдайтын көлік аударылды - фото