Алматыда бетон тасымалдайтын көлік аударылды - фото

НҰР-СҰЛТАН, 4 қазан — Sputnik. Алматыда Әл-Фараби даңғылы мен Жароков көшесінің бұрылысында бетон тасымалдайтын көлік аударылып қалды.

Жүргізушінің айтуынша, белгісіз себепке байланысты ол бұрылыста көлікті басқара алмай, көлік құралы бір шетіне қарай қисайып кеткен.

Дәл осы кезде жақын маңнан жедел жәрдем көлігі өтіп бара жатты. Медицина мамандары жүргізушінің денсаулығын тексеру үшін тоқтағанымен, ер адам медициналық көмектен бас тартты.

Жол апатының нақты себебін анықтау үшін оқиға болған жерде полиция қызметкерлері жұмыс істеп жатыр.

Оқи отырыңыз: 

• Алматыда мотоциклдердің жүруіне тыйым салынуы мүмкін
• Алматыда полициядан қашамын деп есінен танған жүргізуші құтқарылды – видео
• Алматыда қайғылы жағдаймен аяқталған жол апаты болды - фото