Талдыкөл періштелері: астана орталығындағы көлге қоқиқаз қонды

Көптеген жыл ішінде қоқиқаз алғаш рет ел астанасына ортасына қонды. Бұған дейін оларды тек қала маңынан ғана көруге болатын.

Нұр-Сұлтанда кіші Талдыкөлді құтқару бойынша ауқымды акциялар өткені белгілі.

Билік көлді құммен жауып, жаңа нысандар салғысы келді.

Алайда бұған жергілікті тұрғындар қарсы болды, оларды зооқорғаушылар, экоактивистер және журналистер қолдады.

Кіші Талдыкөлдің тағдыры шешіліп жатқанда қоқиқаз қала орталығының жанындағы табиғи саябаққа ұшып келді. Биліктің қалалық су қоймасын құрғату туралы шешіміне байланысты қалыптасқан жағдайды ескерсек, бұл құбылыстың да символдық мәні бар.

Осындай сәтте қоқиқаздың көлге келуі адамдарға табиғат берген сұлулықты жоймай, керісінше сақтауға белгі бергендей болды.

Кіші және үлкен Талдыкөлге Sputnik Қазақстан тілшісі Абзал Қалиев барып қоқиқаз бен оны тамашалауға жиналған тұрғындарды түсіріп қайтты.

Толығырақ Sputnik Қазақстан фотолентасынан көріңіз.

1 / 16

Қызғылт қоқиқаз Нұр-Сұлтандағы Талдыкөл көліне қонды. Қала тұрғындары табиғи су қоймасының жағасына таңғажайып, әсем құсты тамашалауға жиналып жатыр.

2 / 16

Нұр-Сұлтандағы Талдыкөлге қонған қызғылт қоқиқаздар артында құрылыс жұмыстары жүріп жатыр.

3 / 16

Қызғылт қоқиқазға қарап тек қана жақсы дүниені еске алғың келеді.

4 / 16

Орнитологтар қазір құстардың ұшуы белсенді жүріп жатқанын, сондықтан құстар Қазақстан астанасында ұзақ тұрақтамайтынын айтты.

5 / 16

Құстардың бұл түрі әдетте Қорғалжын қорығын паналайды, алайда қаладағы көл де олардың тіршілік етуіне қолайлы саналады.

6 / 16

Кіші Талдыкөл қоқиқаз мекендеуге таптырмайтын жер, себебі мұндағы суды сүзіп, омыртқасыз жануарларды өсіруге болады.

7 / 16

Қоқиқаз таяз көлдерді жақсы көреді.

8 / 16

Орнитологтардың айтуынша, кіші Талдыкөлде қоқиқаз ұзақ аялдамайды. Қорық аумағында құстар мұз пайда болғанша тұрақтайды.

9 / 16

Нұр-Сұлтанның қақ ортасын тұрақтаған қызғылт қоқиқаздар қала тұрғындарын қуанышқа бөледі.

10 / 16

Қаланың экологиялық кеңесінде Кіші Талдыкөлде рекреациялық аймақты сақтау және құру мәселесі қаралды.

11 / 16

Су айдынында "Кіші Талдыкөл" сулы-батпақты нысанын сақтау үшін түбін тереңдету жұмыстарын жүргізу туралы шешім қабылданды.

12 / 16

Талдыкөл (үлкен Талдыкөл) көлінің маңында еліміздегі алғашқы қорық және орман-саябақ аймағы бар табиғи парк пайда болады.

13 / 16

Екінші экопарк Майбалық көлінің жанында болады. Фотоға қала тұрғындары Талдыкөлдегі қоқиқазды тамашалауға келген сәт түсірілген.

14 / 16

Жас қоқиқаздың қанаты сұр түсті болады. Олар әлі қызғылт түске боялып үлгермеген.

15 / 16

Астаналықтар жағада әсем қоқиқазды бақылап отыр. Тоғаннан оннан астам құсты көруге болады.

16 / 16

Қоқиқаздар Кіші Талдыкөлге шағын топ болып ұшып келді. Мамандардың сөзінше, жас құстар шамамен бір жылдан кейін қызғылт түске боялады.

Талдыкөл періштелері: елордадағы көлге қоқиқаз қонды – фото