НҰР-СҰЛТАН, 23 қыркүйек — Sputnik. Қазақстандық QazVac вакцинасы "Дельта" штамнан қорғай алады. Биологиялық қауіпсіздік проблемаларын ғылыми-зерттеу институтының мамандары осындай қорытынды жасады.
"Зерттеу отандық QazVac вакцинасын салдырғандарда антиденелер деңгейі жоғары екенін көрсетті. Вирусқа қарсы денелер зерттеуге қатысқандардың 90 процентінде табылды", - деп жазылған білім және ғылым министрлігінің баспасөз қызметі.
Сондай-ақ, зертханалық жануарларға да сынақ жасалды. QazVac вакцинасынан кейінгі антиденелер алақоржында да табылды. Ол антиденелер коронавирустың үнді штамына төтеп бере алады.
"Вакцина коронавирустың Ухань, альфа-британиялық, дельта штамдарына қарсы тұра алатынын көрсетті", – деді ғылыми институт бас директоры Күнсұлу Закарья.
Айта кетері, QazVac вакцинасын Қазақстанның білім және ғылым министрлігінің Биологиялық қауіпсіздік проблемаларын ғылыми-зерттеу институты өндірген болатын.
2021 жылдың басынан бері ресейлік және қытайлық мамандар әзірлеген препараттармен қатар қазақстандықтарды вакциналау үшін қолданылып келеді. QazVac 18 жастан асқан адамдарға салынады.
Оқи отырыңыз:
- Қазақстанда жаңа бес вакцина шығарылады – ғалымдар жаңа зауытты көрсетті
- Вакцина алмағандарды тексеру басталады: алгоритм бекітілді
- Нұр-Сұлтанда медицина қызметкерлері вакцина паспортын құпия сөз бойынша сатып келген