НҰР-СҰЛТАН, 22 қыркүйек – Sputnik. WBA, WBO және WBC титулдарының иегері Сауль "Канело" Альварес супер орта салмақтағы IBF титулының иегері америкалық Калеб Плантпен төбелесіп қалды. Оқиға олардың жекпе-жегіне арналған баспасөз конференциясында болды.
Көз түйістіру кезінде "Канело" қарсыласын қатты итеріп жіберді. Боксшыларды баспасөз конференциясына қатысушылар ажыратты.
Альварес пен Плант арасындағы жекпе-жек 6 қарашада АҚШ-тың Лас-Вегас қаласында өтеді. Спортшылар супер орта салмақтағы абсолютті әлем чемпионы атағы үшін таласады.
"Канелоның" соңғы жекпе-жегі 8 мамырда өтті, ол Билли Джо Сондерсті ұтып, WBO чемпионы болды.
Мексикалық Сауль "Канело" Альварес қазақстандық боксшы Геннадий Головкинмен екі рет жұдырықтасты. Бітіспес қарсыластар алғашқы жекпе-жекте тең түссе, екіншісі Альварестің жеңісімен аяқталды.
Оқи отырыңыз:
- "Канело" Сондерсті жекпе-жектен бас тартуға мәжбүрледі – видео
- "Аузын жаптым": Альварес GGG-мен үшінші жекпе-жек жайлы әңгімеге нүкте қойды
- "Канело" Йылдырымды жеңгеннен кейін тосын оқиға болды – видео