НҰР-СҰЛТАН, 21 қыркүйек – Sputnik. Алматының Медеу ауданында адам өлімімен аяқталған жол апаты болды.
Желіде көлік апатының видеосы пайда болды.
Куәгерлердің айтуынша, Hyundai Accent көлігі жоғары жылдамдықпен Коперник көшесімен келе жатқан. Бұрылыста көлік бордюрге шығып кетіп, ағашқа соғылды.
Қатты соққыдан көлік бірнеше рет айналды. Сол кезде маңайдағы тротуарда жаяу жүргіншілер болған жоқ.
Жол апаты салдарынан көлік жүргізушісі ауыр жағдайда ауруханаға жеткізілді. Алдыңғы орында отырған жолаушы жедел жәрдем келгенше көз жұмды.
Оқиға орнында полиция жұмыс істеп жатыр.
Оқи отырыңыз:
- Ақтөбеде жол апатынан сәби көз жұмды
- Алматыда түнде болған жол апатында екі адам көз жұмып, бесеуі жарақат алды