НҰР-СҰЛТАН, 3 қыркүйек – Sputnik. Шетелдік студенттер Қазақстандағы оқуына оралады. Әңгіме 6 елге қатысты болып отыр.
Қазақстан бас санитар дәрігерінің жаңа қаулысында шетелдіктерде қандай құжаттар болуға тиіс екені айтылған:
- Венгрия, Таиланд, Моңғолия, Грузия, Қырғыз Республикасы мен Молдова Республикасының уәкілетті органы берген төлқұжатпен / сертификатпен/вакциналау сертификатымен расталған COVID-19-ға қарсы вакциналау паспорты;
- ПТР әдісі бойынша COVID-19-ға қарсы тестің теріс нәтижесі, оның мерзімі Қазақстан Республикасының мемлекеттік шекарасынан өту кезінде 3 күннен аспаған болуы керек.
Қаулы 2021 жылдың 6 қыркүйегінде сағат 00:00 -ден бастап күшіне енеді.