НҰР -СҰЛТАН, 17 тамыз – Sputnik. Көше қиылыстарында билейтін Аида есімді астаналықты бейтаныс адам ұрып-соқты.
Қыз Instagram-да оқиғаның қалай болғанын хабарлады.
"Бүгін 25-26 жастағы бейтаныс адам мені сыммен ұрып, тепкілеп кетті", - деп жазды Аида.
Оның айтуынша, куәгерлер бірден көмекке келген. Олар оқиға орнынан қашып кеткен жігітті суретке түсіріп үлгерген, бірақ анық емес.
Қазір ер адамды полиция іздеп жатыр – қыз арыз жазды. Ол қанталаған аяғын суретке түсіріп көрсетті.
Еске салайық, 20 жастағы астаналық қаладағы көше қиылыстарында билеп, танымал болды.