НҰР -СҰЛТАН, 17 тамыз – Sputnik. Ұлттық қауіпсіздік комитетінің төрағасы Шекара қызметінің әскери қызметшілерін құттықтады, деп хабарлады ҰҚК баспасөз қызметі.
Шекарашылар күні қарсаңында ҰҚК төрағасы Кәрім Мәсімов Алматы облысының "Баянкөл" шекара бөлімшесінде болып, ведомствоның жеке құрамы мен ардагерлерін құттықтап, Отанның қасиетті шебін күзету жолындағы жауапты қызметте табыс тіледі.
Мемлекеттік шекараны сенімді қорғап, күзету комитеттің маңызды міндеті саналады және ол ел басшылығының жіті назарында болады.
Жаңа қауіп-қатерлер мен сын-тегеуріндерді ескере отырып, Шекара қызметін реформалау және Ұлттық қауіпсіздік органдары жүйесіне интеграциялау жүргізілді.
Ведомство 1992 жылы Тәуелсіз Қазақстанның шекара қызметін құру туралы жарлыққа қол қою қарсаңында Тұңғыш президент Нұрсұлтан Назарбаев Алматы облысындағы "Баянкөл" заставасында болғанын еске салды.