НҰР-СҰЛТАН, 2 тамыз – Sputnik. Ақтөбенің 42 жастағы тұрғыны алаяққа алданып, 34 мың теңгесінен айырылды, деп хабарлайды Ақтөбе облысы ПД баспасөз қызметі.
28 шілдеде 42 жастағы ақтөбелік полицияға шағымданды.
Жәбірленушінің айтуынша, оның телефонына WhatsApp арқылы ақшаны екі есе көбейтуге болатыны туралы хабарлама келген. Ол үшін алдымен сілтемеге өтіп, ақша аудару керек болған. Ер адам сілтеме бойынша 34 мың теңге аударған.
Полиция күдіктінің жеке басын анықтады. Ол Ақтөбе қаласының 23 жастағы тұрғыны болып шықты.
Тағы оқыңыз: WhatsApp арқылы аудиожазба жіберген әкімнің басы дауға қалды
Бұл факті бойынша тергеу жүргізіліп жатыр. Күдіктінің үстінен ҚК 190-бабы "Алаяқтық" бойынша қылмыстық іс қозғалды.
Ақтөбе облысының полиция департаменті тұрғындарды бейтаныс адамдарға ақша аудармауға шақырады.