НҰР-СҰЛТАН, 29 маусым— Sputnik. Түркия коронавирустың жаңа штаммдары таралуына байланысты бірқатар елмен әуе байланысын тоқтату туралы шешім қабылдады, деп хабарлайды БелТА елдің ішкі істер министрлігіне сілтеме жасап.
"Жаңа бұйрық шыққанға дейін Бангладеш, Бразилия, Непал, Үндістан, Шри-Ланка және Оңтүстік Африка Республикасымен әуе байланысы 1 шілдеге дейін тоқтатылды. Бұл елдерден Түркияға ұшатын тікелей рейстерге тыйым салынады", - деп жазылған хабарламада.
Сонымен қатар соңғы 14 күнде Бангладеш, Бразилия, Непал, Үндістан, Шри-Ланка және Оңтүстік Африка Республикасында болған туристер Түркияға келген кезде кемінде 72 сағат бұрын тапсырылған вирус жұқтырмағанын растайтын ПТР-тест ұсынуға міндетті болады. Одан кейін туристер 2 аптаға карантинге жабылады.
Оқи отырыңыз: Жаппай локдаун енгізілуі мүмкін – ДДҰ
Еске сала кетейік, біраз бұрын әлемнің 90 елінде үнді немесе Дельта штаммы анықталды. Бұл жаңа штамм Үндістанда пайда болды. Ол басқа штаммдарға қарағандай әлдеқайда қауіпті саналады.