Алматыда екі троллейбус соқтығысты - фото

НҰР-СҰЛТАН, 8 маусым — Sputnik. Алматыда Достық даңғылында екі троллейбус соқтығысып қалды, деп хабарлайды Sputnik Қазақстан тілшісі.

11-бағдар бойынша жүретін троллейбус аялдамада тұрған. Жолаушыларды түсіргеннен кейін ол орнынан қозғалмақ болғанда 25-бағдарлы троллейбус қатты жылдамдықпен келіп оған соғысқан.

Оқи отырыңыз: Үстінен ұшып өтті: Алматыда самокат пен көлік соқтығысты – видео

Жол апаты салдарынан 25-ші автобустың рөлінде болған жүргізуші зардап шегіп, оқиға орнына жеткен медицина қызметкерлері оны тексерді. Алайда ол ауруханаға барудан бас тартты.

Троллейбустардың ішінде болған жолаушыларға еш зақым келген жоқ. Полиция қызметкерлері жол апатына қатысты мән-жайды анықтап жатыр.