НҰР-СҰЛТАН, 8 маусым – Sputnik. Өткен тәулікте Қазақстанда 20 адам коронавирус инфекциясынан, тағы алты адам COVID-19 белгілері бар пневмониядан көз жұмды, деп хабарлайды денсаулық сақтау министрлігінің баспасөз қызметі.
Жуырда коронавирус пен пневмониядан 21 науқастың қайтыс болғаны хабарланған еді.
Ресми мәлімет бойынша коронавирустан барлығы 4 096 адам көз жұмды, ковидтік пневмония 3 395 пациенттің өмірін қиды.
Қазақстанда өткен тәулікте 768 адамның коронавирус індетін жұқтырғаны анықталды. Бір күн бұрын республика бойынша коронавируспен ауырған адамдардың саны 989 болған еді.