Әлемдегі жалғыз жүкті мумия – құпияға толы фото

Біраз бұрын хабарлағанымыздай, мумия 1826 жылы Мысырдан Варшаваға жеткізілді. Саркофагтың ішінде Гор-Джехути есімді абыз жатқаны жазылған.

Алайда кейіннен артефакты мұқият зерттеу барысында бұл көне мысырлық дін қызметкері емес, құрсағында баласы бар жас әйел екені белгілі болды.

Мысыртанушы поляк ғалымдары үшін зерттеу нәтижесі ерекше жаңалыққа айналды. Тың ақпарат "ғаламшардың ең көне тұрғындары" туралы толығырақ білуге мүмкіндік береді.

Оқи отырыңыз: Биіктігі үш метрге жетеді: Мысырда 3 мың жыл бұрын жоғалған қала табылды – фото

Осы ғылыми жаңалықтың арқасында сол заманда қандай ауру көп тарағаны және оларды емдеу жолдары туралы көбірек білуге мүмкіндік туды.

Мумиялау кезінде әйелдің құрсағында жатқан балаға тимегені бұл олжаны өзгелерден ерекшелеп тұр. Бұл құжатта "жүкті" деп көрсетілген әлемдегі алғашқы мумия.

Мумия мысырлық Фивы қаласында табылған және ол біздің дәуірімізге дейінгі І ғасырға жататыны белгілі болды.

Құпияға толы олжаның суреттерін төмендегі материалдан көріңіз.

1 / 12

Бастапқыда бұл мумияны көне мысырлық абыз Гор-Джехутидың мәйіті деп санады. Бірақ кейінірек ол жүкті әйел екені белгілі болды.

2 / 12

Ғалымдардың айтуынша, мумиялау кезінде әйелдің құрсағындағы балаға тиіспеген.

3 / 12

Бұл қазіргі уақытта әлемдегі құрсағында баласы бар жалғыз мумия. Ол Жоғарғы Мысырдың патшалар мазарынан табылған.

4 / 12

Археологтар бұл олжаның маңыздылығын жоғары бағалап, ол "көне тұрғындардың денсаулығы" туралы толығырақ ақпарат алуға мүмкіндік беретінін айтуда.

5 / 12

Варшава университеті мумиясы бар саркофагты 1826 жылы сыйлыққа алды. 1917 жылдан бастап ол Ұлттық музейде сақталып келді.

6 / 12

Мумияның өзі Фивыда табылған және оны ғалымдар біздің дәуірімізге дейінге І ғасырға жатқызды. 2016 жылы сарапшылар компьютерлік сканерлеу жүргізді.

7 / 12

Мамандар мумияны зерттеу үшін заманауи технологияларды қолданды.

8 / 12

Мумияны сканерлеу түрлі фильтрлердің көмегімен барлық бөлшекті қарастыруға мүмкіндік беретін жаңа томографтың көмегімен жүргізілді.

9 / 12

Ғалымдардың ақпараты бойынша, әйел адам жүктіліктің 26-30 аптасында көз жұмған. Тістеріне жүргізілген зерттеу болашақ ананың жасы 30-дан үлкен болмағанын анықтады.

10 / 12

Құрсақтағы баланың жынысын анықтау мүмкін болмады.

11 / 12

Ғалымдар жүкті әйел босану кезінде қайтыс болған деп пайымдады.

12 / 12

Көне мысырлардың нанымы бойынша, қайтыс болған адамның денесін о дүниедегі өмірдегі нығмет күніне дейін сақтау керек болған. Әдетте Көне Мысырда мумиялау процесі кезінде адамның барлық ішкі органы сыртқа шығарылған.