АЛМАТЫ, 13 мамыр – Sputnik. Қазақстанның бірнеше өңірінде ауа райына байланысты дабылды ескерту жарияланды. Бұл туралы Қазгидромет мамандары хабарлады.
Синоптиктердің мәліметінше, 14-16 мамырда күндіз Жамбыл облысында кей жерде найзағай ойнайды, кей жерде солтүстік-шығыстан жел соғады. Желдің күші 15-20 м/с, 16 мамырда екпіні 23-28 м/с болады.
Шымкент қаласында 14 мамырда шығыстан секундына 15-20 метр жылдамдықпен жел соғады. Түркістанда желдің екпіні 15-20 м/с-қа жетеді.
Мамырда ауа райы қандай болады – Қазгидромет болжамы жарияланды
Қызылорданың кей жерінде шаңды дауыл болады. Солтүстік-шығыстан, шығыстан жел соғады. Күндіз облыстың басым бөлігінде 15-20 м/с жел болады. Сондай-ақ шығыстан жел соғады.
Маңғыстау облысында 14 мамырда күндіз 38 градус ыстық болады.
14 мамырда Шығыс Қазақстан облысында кей жерде найзағай ойнайды, бұршақ жауады. Солтүстік-батыстан, солтүстіктен жел соғады, күші кей жерде 15-20 м/с жетеді.
14 мамырға ауа райы болжамы
Ертең Алматыда жаңбыр жауады, найзағай ойнайды. Күндіз ауа температурасы +10; +15 градусты көрсетеді.
Елордада күн бұлтты болады. Ауа температурасы +11;+21 градус болады.
Шымкентте күн ашық, ауа температурасы +16;+25°С.
Ақтөбе облысында күн ашық, +10;+27 градус жылы болады.
Синоптиктердің болжамына сәйкес, Атырау облысында сынап бағанасы +20;+31 градусты көрсетеді. Ақмола облысында +10;+20 градус жылы болады, синоптиктер күн ашық болады деген болжам жасады.
Қызылорда облысында +17;+28 градус болады, күн ашық. Ал Жамбыл облысында күн ашық, ауа температурасы +9;+23 градусты көрсетеді.
Өскеменде күн бұлтты болып, жаңбыр жауады. Ауа температурасы +8;+17 градусты көрсетеді.
Павлодарда күн бұлтты болады, аздаған жауын-шашын түседі. Петропавлда күн ашық. Қостанай облысында да күн ашық, ауа температурасы +10;+29 градусты көрсетеді.
Батыс Қазақстан облысында күн ашық болады, ауа температурасы +17 градусты көрсетеді.
Маңғыстау облысында күн ыстық болады, ауа температурасы +20;+28 градусты көрсетеді.
Қарағанды облысында күн бұлтты болып, жаңбыр жауады. Ауа температурасы +10;+18°С.
Ал Түркістан облысында +29 градусқа дейін ыстық болады. Өңірде жауын жаумайды.