НҰР-СҰЛТАН, 30 сәуір – Sputnik. Саин даңғылы мен Асқаров көшесінің қиылысында екі жеңіл көлік пен жолаушылар автобусы соқтығысып қалды, деп хабарлайды Sputnik Қазақстан тілшісі.
Жол апатына қатысушылардың барлығы Саин даңғылының бойымен солтүстікке қарай кетіп бара жатқан: Renault Sandero ортаңғы қатарда, ал Peugeot Partner шеткі сол жақта жүріп отырған. Аяқ астынан Renault шұғыл сол жақ бетке ауыспақ болған. Алайда көлікті басқара алмай, металл қақпалауышқа соғысқан.
Осы сәтте Peugeot жүргізушісі тежегішті басып үлгермей, Renault көлігіне соғысқан. Соққы күшінен Renault аялдамада тұрған №38 жолаушылар автобусына барып соғылды. Жол апатында Renault Sandero жүргізушісі зардап шекті. Ол ауруханаға жеткізілді.
Ал жол апаты болған кезде автобуста жолаушылар болмаған. Полиция оқиғаның мән-жайын анықтап жатыр.