НҰР-СҰЛТАН, 26 сәуір – Sputnik. WhatsApp мессенджерінде хабарламаны автоматты түрде өшіру опциясы өзгереді. Бұл туралы WABetaInfo хабарлады.
WhatsApp қолданушыларына хабарламаны жібергеннен кейін 24 сағат ішінде автоматты түрде жою мүмкіндігі ұсынылады. Функция жеке және топтық чаттарда қолжетімді болмақ.
Қазір WhatsApp-та хабарламаны 7 күннен кейін автоматты өшіру функциясы бар. Хат жіберген адамның да, оны алған адамның да чатынан жойылады.
Жаңа функция әзірге бета-тестілеуден өтіп жатыр. Болашақта ол Android пен iOS үшін WhatsApp-тың соңғы жаңарған нұсқасында пайда болады.