НҰР-СҰЛТАН, 21 сәуір – Sputnik. Каспий жағалауынан түйелердің жаппай қырылу оқиғасы тіркелді, деп хабарлайды Маңғыстау облысы әкімдігінің баспасөз қызметі.
Каспий жағалауынан ондаған түйенің өлексесі табылды – фото
© Photo : акимат Мангистауской области
Ресми мәліметке сәйкес, Түпқараған ауданында "Көсе" деген жер бар. Халық арасында оны "Досханның атқорасы" деп атайды. Сол маңдағы теңіз жағасынан 20 түйенің өлексесі табылды.
"Мамандар үй жануарлары көктемнің басында суға батып кеткен деп есептейді. Содан қатты дауыл кезінде өлекселер жағаға шығып қалған болуы мүмкін", – дейді әкімдік қызметкерлері.
Қазіргі кезде аудандық әкімдік, төтенше жағдайлар бойынша облыстық департамент пен ветеринарлық станция мамандары өлекселерді жою жұмыстарын бастап кетті.
Оқи отырыңыз: Каспий теңізінде балықшылар мінген қайықты жел ұшырып әкетті