ҚЫЗЫЛОРДА, 5 сәуір – Sputnik. Қызылордада ер адам ұялы телефон мен шегені жұтып қойып, дәрігерлердің арқасында аман қалды.
Қызылордада дәрігерлер ұялы телефонды жұтып қойған адамды құтқарды
© Photo : управление здравоохранения Кызылординской области
Бұл жағдай туралы Қызылорда облысының денсаулық сақтау басқармасы хабарлады.
"Көпсалалы облыстық ауруханаға түскен ер адамның айтуынша, ол шамамен 8 сағат бұрын ұялы телефонды жұтып қойған", - делінген хабарламада.
Ер адамға жедел түрде іш қуысы органдарының рентгенографиясы жасалды, одан бөтен дене: ұялы телефон мен шеге табылды.
Оқи отырыңыз: Әйел тамағында тұрып қалған дәрі қаптамасымен екі апта бойы жүрген
"Телефонның батареясы өте қауіпті, ол кез келген уақытта асқазанның шырышты қабығын күйдіруі мүмкін. Мамандардың кеңесінен кейін икемді эндоскоптың көмегімен бөгде зат сәтті алынып тасталды. Оны эндоскопист дәрігер Айбек Ақбаев жасады", - деді облыстық денсаулық сақтау басқармасы.
Ер адамның неліктен мұндай әрекетке барғаны айтылмады.