НҰР-СҰЛТАН, 24 наурыз – Sputnik. Ош қаласында белгісіз біреулер ер адамды атып кетті. Құқық қорғау органдары Sputnik Қырғызстанға көз жұмған адам № 44 орта мектептің информатика мұғалімі екенін хабарлады.
Милицияның ақпаратынша, ер адамның мәйітін жергілікті тұрғындар 23 наурыз сағат 8:00-де Кокум Бий көшесіндегі көпқабатты үйдің маңынан тапқан.
Белгілі болғандай, марқұм күндіз информатика мұғалімі, ал кешке такси жүргізуші болып жұмыс істеген.
Оқ ер адамның кеудесіне тиген. Алдын ала мәлімет бойынша, оны бытыралы мылтықпен атып кеткен.
Адам өлтіру фактісі бойынша тергеу басталды, күдіктілер іздестіріліп жатыр.