НҰР-СҰЛТАН, 22 наурыз – Sputnik. Сальвадорлық серфингист қыз суда жаттығу кезінде көз жұмды, деп хабарлады РИА Новости ESPN.com сайтына сілтеме жасап.
22 жастағы Кэтрин Диас Эрнандестің дәл жанына найзағай түскен.
Трагедия Тынық мұхитындағы Эль-Тунко жағажайында спортшының үйіне жақын жерде болды.
Кэтрин Диас Эрнандес Токио Олимпиадасына жолдама беретін серфингтен ірі жарысқа дайындалып жатқан.
Жергілікті билік марқұмның отбасына көңіл айтты: Сальвадор ұлттық спорт институтының президенті Ямил Букеле Twitter-де хабарлама жариялады, елдің туризм министрі Морена Вальдес те қолдау сөз арнады.