Жапонияда сакура ерте гүлдеді – фото

Жапонияда биыл шие ағаштары өте ерте гүлдеді. Мұндай жағдай ХХІ ғасырда алғаш рет болып отыр.

Ең бірінші сакура бір апта бұрын – 11 наурызда Хиросима префектурасында гүлдеді. Бұл әдеттегіден екі апта ерте.

Жапон шиесінің бұл гүлдеуінің шарықтау шегі 22 наурызда болып, көктем иісіне толы керемет кезең бір аптаға, яғни 29 наурызға дейін созылады.

Оқи отырыңыз: "Грэмми – 2021" сыйлығын табыстау рәсімі қалай өтті – фото

Сакура гүлі – Күншығыс елінің бейресми символы. Алқызыл түске көмкерілген бұл тамаша көріністің куәсі болу үшін жыл сайын мыңдаған турист Жапонияға қарай ағылады. Гүл жамылған теңдессіз шақты суреттер топтамасынан тамашалаңыз.

1 / 10

Осы жылы Жапонияда сакураның гүлдеуі ХХІ ғасырдағы ең ерте бүр жару болды. Суретте: Токиодағы Уэно саябағындағы гүлдеген шие ағаштары.

2 / 10

Сакураның ерте гүлдеуі 2002 және 2012 жылдары тіркелді.

3 / 10

Токиодағы Уэно саябағында әйел адам гүлдеген сакураны суретке түсіріп тұр.

4 / 10

Токиодағы шие ағашының гүлдеуі 22 наурызда шарықтау шегіне жетіп, ай соңына дейін созылады.

5 / 10

Күншығыс елінің тұрғындары үшін гүлдеген шие ағашының орны бөлек. Сакура Жапония символы болса, оның гүлі бейресми ұлттық герб мәртебесіне ие.

6 / 10

Әдетте сакура әр жылы аймақ саналатын елдің оңтүстігінде гүлдеп, солтүстік жапон аралына қарай біртіндеп ығысады. Биыл Хиросима префектурасында 11 наурыз күні сакура гүлдеуі тіркелді.

7 / 10

Сакура гүлдеген уақытта жапон саябақтары алқызыл ағаштарды тамашалауға келген жергілікті тұрғындар мен туристерге толады.

8 / 10

Алайда өткен жылы пандемияға байланысты пикник пен бұқаралық шараларға тыйым салынды.

9 / 10

Биыл коронавирустың таралуына жол бермеу мақсатында кемі 21 наурызға дейін төтенше жағдай режимі жарияланған.

10 / 10

Бірнеше ғасыр бұрын сакураның гүлдеуін тамашалау дәстүрі – ханами аристократтық шара болатын. Бірақ келе-келе ол жалпыхалықтық дәстүрге айналды.