НҰР-СҰЛТАН, 3 наурыз – Sputnik. Екібастұз қаласындағы депода жолаушылар вагоны өртеніп кетті, деп хабарлайды Pavlodarnews.kz.
Павлодар облыстық төтенше жағдайлар департаментінің ақпаратына сүйенсек, өрт 2 наурыз күні түстен кейін болған.
Екібастұзда жолаушылар вагоны отқа оранды
© Photo : Пресс-служба Департамента по чрезвычайным ситуациям Павлодарской области
Екібастұз қаласындағы №2 мамандандырылған өрт сөндіру бөліміне Астана көшесінде орналасқан депода вагон өртеніп жатқаны туралы хабарлама түскен. Оқиға орнына екі өрт сөндіру жасағы жіберілген.
"Екібастұз моторлы-вагон депосы" ЖШС-нің вагон паркінде тұрған жолаушылар вагонның 73 шаршы метр аумағы толығымен өртенгені анықталды", – делінген хабарламада.
Ведомство мәліметінше, тілсіз жаумен күреске өрт сөндіру бөлімінің жеке құрамынан он адам мен үш техника жұмылдырылды.
Оқи отырыңыз: Пойыздағы жарылыс: Қазпошта өзіне тиесілі вагон туралы айтты
Зардап шеккендер мен қаза тапқандар жоқ.