Өткен демалыста жапониялық Мияги және Фукусима префектурасында екі жойқын жер дүмпуі болды.
Құтқару қызметінің мәліметі бойынша, жерасты дүмпулерінің салдарынан 15 адам зардап шегіп, миллионға жуық үй жарықсыз қалды.
Метеорологиялық басқарма бір апта бойы афтершоктар болуы мүмкін екенін ескертті. Қазірдің өзінде олардың саны 20-дан асып кетті.
Бастапқыда ұлттық метеорология басқармасы жариялаған магнитуда 7,1 болған. Кейінірек бұл болжам 7,3 деңгейіне дейін артты.
Жойқын табиғат апатына байланысты Жапония үкіметінің жанынан құрылған дағдарыстық штаб жұмыс істеп тұр.
Оқи отырыңыз: Рио карнавалының шаң басқан декорациясы – фото
Tokyo Electric Power энергетика компаниясы жер сілкінісінен кейін "Фукусима-1" АЭС-те штаттын тыс жағдайлар тіркелмегенін хабарлады. Алайда, елдегі бірнеше ЖЭС жұмысын тоқтатты.
Кейінірек "Фукусима" АЭС-тің бірнеше реакторында пайдаланылған ядролық отынды сақтауға арналған бассейндерден шағын су көлемі сыртқа аққаны белгілі болды.
Елдің солтүстік-шығысы мен солтүстігін байланыстыратын жүрдек пойыздардың бірінің тармағы істен шыққаны анықталды.
Жапонияның ұлттық метеорологиялық басқармасында мәлімдегендей, бұл жер сілкінісі 2011 жылдың 11 наурызында болған Ұлы шығыс-жапониялық жер сілкінісінің афтершогы болған.