НҰР-СҰЛТАН, 29 желтоқсан – Sputnik. Қабардин батыры Жамболат Хатохов 21 жасында Нальчикте қайтыс болды. Ол 2003 жылы әлемдегі ең үлкен бала ретінде Гиннестің рекордтар кітабына енген.
Жамболат Хатоховтың қайтыс болғаны туралы Ресейдің мас-рестлинг бойынша жасөспірімдер құрамасының жаттықтырушысы Бетал Губжев Instagram-дағы парақшасында хабарлады.
"Гиннестің рекордтар кітабының рекордшысы, Қабардин-Балқар Республикасының тұңғыш сумо палуаны Жамболат Хатохов дүниеден озды", – деп жазды ол.
Жаттықтырушы Хатоховтың қайтыс болу себеп-салдары туралы ештеңе жарияламады.
Жамболат Хатохов 1999 жылы 24 қыркүйекте Қабардин-Балқардағы Терек қаласында дүниеге келген.
Бір жасында оның салмағы он жеті килограммға сәл ғана жетпеді.
Жамболат бірінші сыныпқа барғанда салмағы 115 келі болатын.
Он жеті жасында оның салмағы 230 килограммға жетті.
Одан кейінгі бір жыл ішінде ол 50 келіден артық салмақ тастады. Яғни, он сегіз жаста оның салмағы 176 килограмм болды.
Оқи отырыңыз: Қарындағы май несімен қауіпті – дәрігерлер бірнеше себепті атады